Cydgysylltydd cyfrifoldeb cymdeithasol corfforaethol (CSR)

Sut i ddod yn gydlynydd Cyfrifoldeb Cymdeithasol Corfforaethol

I ddod yn gydlynydd Cyfrifoldeb Cymdeithasol Corfforaethol, mae sawl llwybr ar gael. Gallech wneud cwrs yn y brifysgol neu'r coleg, gwneud prentisiaeth neu wneud cais am swydd yn uniongyrchol i gyflogwr. 

Dylech ymchwilio i’r llwybrau hyn i ddod yn gydlynydd Cyfrifoldeb Cymdeithasol Corfforaethol, i weld pa un yw'r un iawn i chi. Er bod angen cymwysterau penodol i ddilyn rhai o'r llwybrau hyn, mae’n well gan lawer o gyflogwyr fod unigolion yn frwdfrydig, yn fodlon dysgu ac yn gallu dilyn cyfarwyddiadau. 

Gall fod angen cerdyn y Cynllun Ardystio Sgiliau Adeiladu arnoch i weithio ar safle adeiladu. 

Y brifysgol 

I ddod yn gydlynydd Cyfrifoldeb Cymdeithasol Corfforaethol, gallech gwblhau gradd israddedig neu ôl-raddedig mewn unrhyw ddisgyblaeth. Gall astudio pynciau perthnasol megis hawliau dynol, astudiaethau rhyngwladol, y gyfraith, gwleidyddiaeth, cysylltiadau cyhoeddus, rheoli busnes neu amgylcheddol wella eich cyfleoedd o sicrhau swydd yn y maes. 

Bydd angen y canlynol arnoch: 

• 2 - 3 Lefel A, neu gymwysterau cyfatebol (gradd israddedig) 
• Gradd israddedig, neu gymwysterau cyfatebol (astudiaeth ôl-raddedig). 

> Gofynion mynediad cyfatebol wedi’u hesbonio 

> Dod o hyd i gwrs prifysgol 

> Cyngor ar gyllid 

Y coleg/darparwr hyfforddiant 

I ddod yn gydlynydd Cyfrifoldeb Cymdeithasol Corfforaethol, gallech wneud cwrs yn y coleg i’ch rhoi ar ben y ffordd, megis astudiaethau busnes, daearyddiaeth, y gyfraith neu wleidyddiaeth. 

I wneud cwrs yn y coleg, bydd angen 5 TGAU gyda graddau 9 i 4 (A* i C) neu gymwysterau cyfatebol arnoch. 

> Gofynion mynediad cyfatebol wedi’u hesbonio 

> Dod o hyd i gwrs yn agos atoch chi 

> Cyngor ar gyllid 

Prentisiaeth 

Gallech wneud prentisiaeth i’ch helpu i ddod yn gydlynydd Cyfrifoldeb Cymdeithasol Corfforaethol. 

Gallech wneud prentisiaeth busnes neu brentisiaeth gyfreithiol. Ni fyddai angen i chi wneud y brentisiaeth hon gyda chwmni adeiladu o reidrwydd, gan y gallech arbenigo mewn cyfrifoldeb cymdeithasol corfforaethol yn y diwydiant adeiladu pan fyddwch wedi cymhwyso. 

I wneud prentisiaeth, bydd angen hyd at 5 TGAU gyda graddau 9 i 4 (A* i C) neu gymwysterau cyfatebol arnoch. 

Gall unrhyw un dros 16 oed wneud prentisiaeth. Fel prentis, byddwch wedi’ch cyflogi'n llawn gan y cwmni rydych yn gweithio iddo a bydd disgwyl i chi weithio o leiaf 30 awr yr wythnos. Bydd eich amser yn cael ei rannu rhwng y gweithle a’r coleg neu'r darparwr hyfforddiant. 

> Dod o hyd i brentisiaeth yn agos atoch chi 

> Canllaw i brentisiaethau 

Gwaith 

Yn ddibynnol ar eich profiad a’ch cymwysterau, gallech wneud cais yn uniongyrchol i gyflogwr am swydd fel cydlynydd cyfrifoldeb cymdeithasol corfforaethol, neu debyg. Gall eich cyflogwr gynnig hyfforddiant i’ch helpu i ddatblygu i rôl cydlynydd.  

Profiad gwaith 

Mae profiad gwaith yn hanfodol i sicrhau swydd yn y diwydiant adeiladu. Gallech gael profiad gwaith yn yr ysgol neu drwy weithio dros benwythnosau a gwyliau gyda chwmni neu berthynas sy'n gweithio fel cydlynydd cyfrifoldeb cymdeithasol corfforaethol. Bydd darpar-gyflogwyr bob amser yn falch o weld profiad gwaith ar eich CV. 

> Rhagor o wybodaeth am brofiad gwaith 

Sgiliau  

Mae’r sgiliau dymunol ar gyfer cydlynydd cyfrifoldeb cymdeithasol corfforaethol fel a ganlyn:  

• Angerdd tuag at gyfrifoldeb a chynaliadwyedd cymdeithasol corfforaethol 
• Sgiliau cyfathrebu cryf 
• Sgiliau meddwl dadansoddol a rhesymegol 
• Sensitifrwydd a dealltwriaeth 
• Gwybodaeth o sut mae busnesau’n gweithio. 

Beth mae cydlynydd Cyfrifoldeb Cymdeithasol Corfforaethol yn ei wneud?

Gall eich dyletswyddau fel cydlynydd cyfrifoldeb cymdeithasol corfforaethol gynnwys rhai o’r canlynol:  

• Datblygu polisïau sy’n berthnasol i gyfrifoldebau moesegol, cynaliadwy ac amgylcheddol cwmni 
• Sicrhau bod gan gwmni effaith gadarnhaol ar gymunedau lleol a’r amgylchedd 
• Codi ymwybyddiaeth gyhoeddus o ymrwymiadau cyfrifoldeb cymdeithasol cwmni trwy farchnata 
• Cynnal ymchwil i ymarfer da 
• Ysgrifennu a gweithredu strategaeth cyfrifoldeb cymdeithasol cwmni 
• Creu partneriaethau â chleientiaid, gweithwyr, cyflenwyr, elusennau a grwpiau eraill 
• Sicrhau bod polisïau cwmni’n cwrdd ag anghenion cyfreithiol a masnachol 
• Trefnu digwyddiadau i weithwyr a’u timau 
• Annog cysylltiadau rhwng y cwmni a’r grwpiau addysgol neu elusennol 
• Lledu’r gair am y cwmni a’r diwydiant adeiladu’n gyffredinol mewn ysgolion a sefydliadau lleol  
• Adrodd ar weithgaredd cyfrifoldeb cymdeithasol i uwch-reolwyr. 

Faint y gallech ei ennill fel cydlynydd Cyfrifoldeb Cymdeithasol Corfforaethol?

• Gall cydlynwyr Cyfrifoldeb Cymdeithasol Corfforaethol sydd newydd hyfforddi ennill rhwng £20,000 a £30,000 y flwyddyn 
• Gall cydlynwyr Cyfrifoldeb Cymdeithasol Corfforaethol â rhywfaint o brofiad ennill rhwng £30,000 a £40,000 y flwyddyn 

Mae’r oriau a’r cyflog yn dibynnu ar y lleoliad, y cyflogwr ac unrhyw oramser y gallwch ei weithio. 

* Mae cyflogau wedi’u casglu o sawl ffynhonnell o’r diwydiant ac wedi’u diweddaru ers 2019

Edrychwch ar y swyddi cydlynydd Cyfrifoldeb Cymdeithasol Corfforaethol sy’n wag ar hyn o bryd:  

• Totaljobs  

Gan mai gwefannau allanol yw'r rhain, gall nifer y cyfleoedd sy'n gysylltiedig â'ch rôl ddewisol amrywio. Bydd cyfleoedd newydd yn cael eu cyhoeddi wrth iddynt godi. 

Llwybr gyrfa a chamu ymlaen yn eich gyrfa

Fel cydlynydd Cyfrifoldeb Cymdeithasol Corfforaethol, gallech ddatblygu i rôl rheoli uwch o fewn sefydliad. 

Dewis arall yw mynd yn ymgynghorydd hunangyflogedig a chynnig cyngor i amrywiaeth o fusnesau.