Y Cyfathrebwr

Mae cyfathrebu’n allweddol

P’un ai a ydynt yn gweithio gyda chymunedau lleol, yn prynu cyflenwadau swyddfa neu’n delio â logisteg, mae angen cefnogaeth ar waith adeiladu bob amser. Dyna’n union mae Cyfathrebwyr yn ei gynnig.

Mae cwsmeriaid, cleientiaid a chydweithwyr i gyd wrth eu boddau â chyfathrebwyr oherwydd maen nhw’n hawdd siarad â nhw ac mae ganddyn nhw agwedd gadarnhaol. Does dim byd yn ormod o drafferth.

Yn aml, mae cyfathrebwyr yn:                Cynhyrchu gwaith papur a dogfennau
Cael eu lleoli yn y swyddfa ac ar y safle
Trefnu cyfarfodydd, gweithdai, teithio a llety
Tywys ymwelwyr a chleientiaid o amgylch y swyddfa/safle yn rheolaidd
Cydymffurfio â’r gofynion iechyd a diogelwch ar y safle.
Prosesu taliadau a ffeilio dogfennau anfonebau/treuliau

Dywedwch wrth eich ffrindiau eich bod yn Gyfathrebwr

Llwythwch y bathodyn i lawr a’i rannu:

Facebook (JPEG, 241KB)
Instagram (JPEG, 636KB)
Twitter (JPEG, 153KB)

Y peth pwysicaf wrth gyfathrebu yw clywed y pethau nad ydynt yn cael eu dweud.”

- Peter Drucker

Roles

Gweinyddwr

Mae cyflogau oddeutu £35,000.00. Bydd cyflogau yn amrywio yn dibynnu ar leoliad/cyflogwr

Mae gweinyddwyr yn helpu i redeg swyddfeydd yn ddidrafferth trwy gyflawni tasgau clerigol a phrosiectau. Fel gweinyddwr yn y diwydiant adeiladu, gallech fod yn trefnu cyfarfodydd prosiectau. Byddech yn teipio dogfennau, yn ymateb i ymholiadau busnes, yn llunio contractau ac yn darparu gwasanaeth i gwsmeriaid. Rydych yn debygol o fod yn prosesu llawer o wybodaeth gan ddefnyddio cyfrifiadur, felly bydd angen sgiliau TG cryf arnoch. Mae sgiliau cyfathrebu rhagorol hefyd yn bwysig, er mwyn sicrhau bod y swyddfa'n gweithredu'n effeithlon. Mae llawer o gyfleoedd i ddatblygu gyrfa fel gweinyddwyr, mewn amrywiaeth o leoliadau.
Technegydd adeiladu

Mae cyflogau oddeutu £30,000.00. Bydd cyflogau yn amrywio yn dibynnu ar leoliad/cyflogwr

Mae technegwyr adeiladu yn helpu gyda thasgau hanfodol sy’n ymwneud â phrosiectau a gwaith adeiladu. Fel technegydd adeiladu, gallech fod yn goruchwylio amrywiaeth o dasgau, o fonitro cynnydd y gwaith adeiladu, i drafod gyda chyflenwyr, paratoi cynlluniau safle ac amcangyfrif costau.
Prynwr

Mae cyflogau oddeutu £50,000.00. Bydd cyflogau yn amrywio yn dibynnu ar leoliad/cyflogwr

Mae prynwyr yn y diwydiant adeiladu yn caffael yr holl ddeunyddiau sydd eu hangen ar gyfer prosiectau adeiladu ac yn sicrhau eu bod yn cael eu darparu ar amser ac o fewn y cyllidebau a ddyrannwyd. Maent yn chwarae rôl hanfodol gan eu bod yn sicrhau proffidioldeb contractau busnes, drwy brynu’r deunyddiau mwyaf cost-effeithiol a phriodol ar gyfer pob tasg.
Cynghorydd trawsgludo

Mae cyflogau oddeutu £40,000.00. Bydd cyflogau yn amrywio yn dibynnu ar leoliad/cyflogwr

Mae cynghorwyr trawsgludo yn gyfreithwyr eiddo sy’n trosglwyddo perchnogaeth eiddo o un perchennog i un arall (ar gyfer busnesau neu unigolion). Maent yn gyfrifol am sicrhau bod gweithredoedd eiddo'n cael eu trosglwyddo o'r gwerthwr i'r prynwr ac yn rhoi cyngor ar unrhyw faterion cyfreithiol gyda'r eiddo.
Cydlynydd Cyfrifoldeb Cymdeithasol Corfforaethol (CSR)

Mae cyflogau oddeutu £40,000.00. Bydd cyflogau yn amrywio yn dibynnu ar leoliad/cyflogwr

Mae cydlynydd Cyfrifoldeb Cymdeithasol Corfforaethol (CSR) yn gweithredu fel ‘cydwybod’ cwmni, gan hyrwyddo a datblygu ochr foesegol, amgylcheddol gyfeillgar a chymunedol y busnes. Mae’r swydd yn cynnwys creu cysylltiadau rhwng busnes a’r gymuned, codi ymwybyddiaeth gadarnhaol o ymrwymiad y sefydliad i gyfrifoldeb cymdeithasol cynaliadwy.
Rheolwr cyfleusterau

Mae cyflogau oddeutu £60,000.00. Bydd cyflogau yn amrywio yn dibynnu ar leoliad/cyflogwr

Mae rheolwyr cyfleusterau yn goruchwylio gweithrediadau a chynnal a chadw adeiladau a thiroedd trwy ymateb i anghenion defnyddwyr. Fel rheolwr cyfleusterau, gallech fod yn gyfrifol am wasanaethau gan gynnwys adeiladau, glanhau, arlwyo, lletygarwch, diogelwch neu barcio. Bydd angen sicrhau fod y mannau rydych yn eu rheoli yn bodloni safonau iechyd a diogelwch ac yn gweithredu yn ôl y bwriad.
Tiwtor Addysg Bellach

Mae cyflogau oddeutu £50,000.00. Bydd cyflogau yn amrywio yn dibynnu ar leoliad/cyflogwr

Mae tiwtoriaid Addysg Bellach yn dysgu myfyrwyr a phrentisiaid dros 16 oed. Maen nhw’n datblygu dealltwriaeth ymarferol a damcaniaethol myfyrwyr o amrywiaeth eang o gyrsiau ac yn eu hyfforddi ar gyfer gyrfaoedd ym maes adeiladu neu beirianneg.
Darlithydd addysg uwch (AU)

Mae cyflogau oddeutu £55,000.00. Bydd cyflogau yn amrywio yn dibynnu ar leoliad/cyflogwr

Mae darlithwyr Addysg Uwch (AU) yn gwneud gwaith ymchwil ac yn addysgu’r genhedlaeth nesaf o weithwyr adeiladu proffesiynol mewn prifysgolion a cholegau addysg uwch. Fel darlithydd mewn maes sy’n gysylltiedig ag adeiladu, byddwch yn arbenigo mewn un maes astudio, fel pensaernïaeth, peirianneg, busnes a rheoli, cynllunio, arolygu neu fwy.
Rheolwr dysgu a datblygu

Mae cyflogau oddeutu £65,000.00. Bydd cyflogau yn amrywio yn dibynnu ar leoliad/cyflogwr

Mae rheolwyr dysgu a datblygu yn ymdrin â hyfforddiant a datblygiad proffesiynol gweithwyr y cwmni. Maen nhw’n manteisio i’r eithaf ar dalentau pobl ac yn eu helpu i ddatblygu i’w llawn botensial. Maen nhw’n canolbwyntio’n bendant ar yr hyn y mae’r dysgwr ei eisiau a’i angen, a hefyd ar anghenion y sefydliad.
Cynghorydd cyfreithiol

Mae cyflogau oddeutu £60,000.00. Bydd cyflogau yn amrywio yn dibynnu ar leoliad/cyflogwr

Mae cynghorwyr cyfreithiol yn rhoi arweiniad i gwmnïau ar faterion sy’n ymwneud â’r gyfraith. Yn y diwydiant adeiladu, byddai cynghorydd cyfreithiol yn helpu gyda chontractau cleientiaid, yn llunio dogfennau cyfreithiol ac yn datrys anghydfodau.
Swyddog marchnata a chysylltiadau cyhoeddus

Mae cyflogau oddeutu £100,000.00. Bydd cyflogau yn amrywio yn dibynnu ar leoliad/cyflogwr

Mae swyddogion marchnata a chysylltiadau cyhoeddus yn gyfrifol am reoli delwedd ac enw da cwmni. Maen nhw’n dylanwadu ar farn ac ymddygiad, yn fewnol ac yn allanol, ar wahanol sianeli cyfathrebu, gan gynnwys gwefannau, cyfryngau cymdeithasol, sylw yn y wasg a mwy.
Cynllunydd

Mae cyflogau oddeutu £70,000.00. Bydd cyflogau yn amrywio yn dibynnu ar leoliad/cyflogwr

Mae cynllunwyr yn creu rhaglenni o’r holl waith sydd ei angen ar brosiectau adeiladu mawr a gweithgareddau uniongyrchol. Fel cynllunydd, byddwch yn goruchwylio logisteg, yn trefnu gweithwyr, yn rheoli cyllidebau ac yn sicrhau bod y gwaith yn cael ei gyflawni yn unol â’r amserlen. Byddwch yn cydweithio’n agos ag amcangyfrifwyr, peirianwyr, syrfewyr a phenseiri i gadw prosiectau ar y trywydd iawn a rheoli blaenoriaethau sy’n gwrthdaro.
Rheolwr desg llogi peiriannau

Mae cyflogau oddeutu £35,000.00. Bydd cyflogau yn amrywio yn dibynnu ar leoliad/cyflogwr

Mae rheolwyr desg llogi peiriannau yn gyfrifol am drefnu i logi peiriannau, offer a chyfarpar i gwsmeriaid a chwmnïau adeiladu. Fel rheolwr desg llogi peiriannau, bydd disgwyl bod gennych sgiliau gwasanaeth i gwsmeriaid rhagorol a’ch bod yn datblygu perthnasoedd proffesiynol â chleientiaid.
Cydlynydd gwasanaethau cymorth peiriannau

Mae cyflogau oddeutu £40,000.00. Bydd cyflogau yn amrywio yn dibynnu ar leoliad/cyflogwr

Mae cydlynydd gwasanaethau cymorth peiriannau yn gyfrifol am drefnu timau o beirianwyr i sicrhau bod prosiect yn cael yr adnoddau angenrheidiol i sicrhau ei fod yn rhedeg yn esmwyth ac yn cadw at yr amserlen. Mae hyn fel arfer yn golygu trefnu ymweliadau i wneud gwaith cynnal ar beiriannau.
Rheolwr prosiect

Mae cyflogau oddeutu £60,000.00. Bydd cyflogau yn amrywio yn dibynnu ar leoliad/cyflogwr

Mae rheolwyr prosiect yn goruchwylio'r gwaith o gynllunio a chyflawni prosiectau adeiladu. Maent yn sicrhau fod gwaith yn cael ei gwblhau yn brydlon ac o fewn y gyllideb. Maent yn trefnu logisteg, yn dirprwyo gwaith ac yn cadw llygaid ar wariant. Fel rheolwr prosiect, byddech yn cysylltu â chleientiaid a gweithwyr adeiladu proffesiynol i drefnu amserlenni a chyfarwyddo gweithgarwch.
Syrfëwr meintiau

Mae cyflogau oddeutu £65,000.00. Bydd cyflogau yn amrywio yn dibynnu ar leoliad/cyflogwr

Mae syrfewyr meintiau yn amcangyfrif ac yn rheoli costau ar gyfer prosiectau adeiladu mawr. Maent yn sicrhau fod strwythurau'n bodloni safonau cyfreithiol ac ansawdd. Mae syrfewyr meintiau yn rhan o bob cam o'r prosiect. P’un a ydynt yn gweithio ar brosiectau preswyl, masnachol neu ddiwydiannol, mae cleientiaid yn dibynnu arnynt i sicrhau fod y canlyniad terfynol yn cynnig gwerth am arian.
Derbynnydd

Mae cyflogau oddeutu £25,000.00. Bydd cyflogau yn amrywio yn dibynnu ar leoliad/cyflogwr

Yn y diwydiant adeiladu, derbynyddion yw pwynt cyswllt cyntaf cleientiaid, isgontractwyr a chyflenwyr. Fel derbynnydd, chi fydd wyneb blaen y sefydliad yn cyfarch gwesteion a chontractwyr, ac yn ymateb i ymholiadau dros y ffôn a thrwy e-bost. Bydd angen sgiliau trin pobl rhagorol arnoch er mwyn gallu darparu gwasanaeth o ansawdd uchel i gwsmeriaid.
Cynghorydd gwerthu eiddo

Mae cyflogau oddeutu £25,000.00. Bydd cyflogau yn amrywio yn dibynnu ar leoliad/cyflogwr

Cyfrifoldeb cynghorydd gwerthu eiddo yw gofalu am y broses o werthu eiddo ar y safle ar ran cwmni fel datblygwr eiddo. Mae hyn yn cynnwys tasgau fel gosod a chynnal cartrefi arddangos, delio ag ymholiadau gan brynwyr posibl a chynhyrchu adroddiadau yn seiliedig ar ddata gwerthu.
Peiriannydd adran dwnelu

Mae cyflogau oddeutu £45,000.00. Bydd cyflogau yn amrywio yn dibynnu ar leoliad/cyflogwr

Mae peiriannydd adran dwnelu yn ymwneud â’r gwaith o gynllunio a dylunio prosiectau twnelu. Gall hyn gynnwys dylunio strwythurau twnnel a chaffael y deunyddiau sydd eu hangen i’w hadeiladu.

Y Cyfathrebwr

Mae cyfathrebu’n allweddol

Yn aml, mae cyfathrebwyr yn:

Dywedwch wrth eich ffrindiau eich bod yn Gyfathrebwr

Roles

Gweinyddwr

Technegydd adeiladu

Prynwr

Cynghorydd trawsgludo

Cydlynydd Cyfrifoldeb Cymdeithasol Corfforaethol (CSR)

Rheolwr cyfleusterau

Tiwtor Addysg Bellach

Darlithydd addysg uwch (AU)

Rheolwr dysgu a datblygu

Cynghorydd cyfreithiol

Swyddog marchnata a chysylltiadau cyhoeddus

Cynllunydd

Rheolwr desg llogi peiriannau

Cydlynydd gwasanaethau cymorth peiriannau

Rheolwr prosiect

Syrfëwr meintiau

Derbynnydd

Cynghorydd gwerthu eiddo

Peiriannydd adran dwnelu