Amcangyfrifwr

Sut i fod yn amcangyfrifwr

Er nad oes angen cymwysterau ffurfiol i fod yn amcangyfrifwr, mae sawl llwybr y gallech eu dilyn i'ch helpu i ddilyn yr yrfa hon. Gallech gwblhau cwrs prifysgol neu goleg, prentisiaeth neu wneud cais am waith yn uniongyrchol i gyflogwr.

Dylech ymchwilio i’r llwybrau hyn i fod yn amcangyfrifwr, i weld pa un yw’r un iawn i chi. Er bod gofynion penodol o ran cymwysterau ar gyfer rhai o’r opsiynau hyn, mae gan lawer o gyflogwyr fwy o ddiddordeb mewn pobl sy’n frwdfrydig, sy’n barod i ddysgu ac sy’n gallu dilyn cyfarwyddiadau.

Efallai y bydd angen cerdyn Cynllun Ardystio Sgiliau Adeiladu (CSCS) arnoch i weithio ar safle adeiladu.

Prifysgol

Gallech chi gwblhau Diploma Cenedlaethol Uwch (HND) neu radd israddedig mewn pwnc perthnasol, fel peirianneg strwythurol neu sifil, adeiladu neu arolygu meintiau.

Bydd angen 1 - 3 lefel A neu gymhwyster cyfatebol arnoch i astudio am HND neu radd.

• • Eglurhad o’r gofynion mynediad cyfatebol
  • Dod o hyd i gwrs prifysgol
  • Cyngor am gyllid

Coleg/darparwyr hyfforddiant

Nid oes angen i chi gael unrhyw gymwysterau penodol er mwyn bod yn amcangyfrifwr. Fodd bynnag, mae cael TGAU graddau 9 i 4 (neu gymhwyster cyfatebol) mewn gwyddoniaeth, technoleg, TG, Saesneg a mathemateg yn ddefnyddiol ar gyfer y rôl hon.

Mae meddu ar gymwysterau coleg mewn pynciau fel peirianneg strwythurol, peirianneg sifil neu adeiladu hefyd yn gallu bod yn fuddiol i unrhyw un sy’n chwilio am swydd fel amcangyfrifwr.

• Eglurhad o’r gofynion mynediad cyfatebol
• Dod o hyd i gwrs yn eich ardal chi
• Cyngor am gyllid

Prentisiaeth

Mae prentisiaeth gyda chwmni adeiladu’n ffordd dda i ymuno â’r diwydiant.

Gallech chi wneud cais am brentisiaeth amcangyfrif gyda chwmni adeiladu a gweithio tuag at NVQ mewn Rheoli Prosiectau Lefel 3 a 4, NVQ mewn Gweithrediadau Contractio Adeiladu Lefel 3 a 4, neu Dystysgrif a Diploma mewn Rheoli Safle Lefel 4.

Bydd angen i chi gael hyd at 5 TGAU ar raddau 9 i 4 (A* i C), neu gymhwyster cyfatebol i fod yn brentis.

Mae prentisiaethau ar gael i unrhyw un dros 16 oed. Fel prentis, bydd eich cwmni’n eich cyflogi’n llawn, a bydd disgwyl i chi weithio o leiaf 30 awr yr wythnos. Byddwch yn rhannu eich amser rhwng profiad yn y gwaith a’r coleg neu’r darparwr hyfforddiant.

• Dod o hyd i brentisiaeth yn eich ardal chi
• Canllawiau i brentisiaethau

Gwaith

Os oes gennych brofiad blaenorol o weithio yn y diwydiant adeiladu, efallai y gallwch wneud cais yn uniongyrchol i gyflogwr i fod yn amcangyfrifwr, neu efallai y gwnaiff eich cyflogwr eich helpu i gwblhau hyfforddiant i weithio tuag at y rôl hon.

Profiad gwaith

Mae profiad gwaith yn hanfodol er mwyn cael gwaith yn y diwydiant adeiladu. Gallech chi gael hyn yn yr ysgol, neu drwy weithio ar benwythnosau ac yn ystod y gwyliau gyda chwmni neu berthynas sy’n gweithio fel amcangyfrifwr. Bydd darpar gyflogwyr bob amser yn falch o’ch gweld yn rhestru profiad gwaith ar eich CV.

• Dysgwch fwy am brofiad gwaith

Sgiliau

Mae sgiliau craidd ar gyfer amcangyfrifwr yn cynnwys:

• Sgiliau mathemateg cryf
• Hynod o drefnus
• Gallu dadansoddi data
• Sgiliau meddwl yn feirniadol
• Canolbwyntio ar fanylion
• Sgiliau cyfathrebu da
• Galluoedd technegol
• Sgiliau rheoli amser rhagorol

Beth mae amcangyfrifwr yn ei wneud?

Mae amcangyfrifwr yn gyfrifol am gyfrifo costau prosiect cyn i’r gwaith ddechrau, gan gynnwys popeth o ddeunyddiau, llafur, llogi offer, costau cludiant a phopeth yn y canol.

Gall dyletswyddau amcangyfrifwr gynnwys:

• Cyfrifo beth fydd cost prosiect arfaethedig
• Ymchwilio i brisiau a chasglu dyfynbrisiau gan gyflenwyr ac isgontractwyr
• Monitro chwyddiant a chyfraddau cyfnewid
• Gwirio gofynion y cleient.
• Llunio ceisiadau ar gyfer gwaith
• Cadw llygad ar brosiectau i wneud yn siŵr bod y costau’n aros yn unol â’r rhagolygon
• Llunio rhestrau manwl a chywir o brisiau ar gyfer popeth sydd eu hangen ar brosiect adeiladu
• Ystyried asesiadau risg a gofynion iechyd a diogelwch

Faint o gyflog allech chi ei gael fel amcangyfrifwr?

Mae’r cyflog disgwyliedig i amcangyfrifwr yn amrywio wrth i chi gael mwy o brofiad.

• Gall amcangyfrifwr sydd newydd gael eu hyfforddi ennill £18,000 - £20,000
• Gall amcangyfrifwr cymwys a phrofiadol ennill £20,000 - £35,000
• Gall amcangyfrifwr uwch, siartredig neu feistr ennill £35,000 - £40,000.*

Mae’r oriau a’r cyflog yn dibynnu ar y lleoliad, y cyflogwr ac unrhyw oramser y byddwch yn ei wneud. Mae cyflogau ac opsiynau gyrfa hefyd yn gwella os bydd gennych statws siartredig.

* Mae cyflogau wedi’u casglu o sawl ffynhonnell o’r diwydiant ac wedi’u diweddaru ers 2019

Edrychwch ar y swyddi gwag diweddaraf ar gyfer amcangyfrifwyr:

• Indeed
• Totaljobs
• Reed

Gan mai gwefannau allanol yw'r rhain, efallai y bydd nifer y swyddi gwag sy'n berthnasol i'r rôl o'ch dewis yn amrywio. Bydd cyfleoedd newydd yn cael eu cyhoeddi wrth iddynt godi.

Llwybr gyrfa a chamu ymlaen

Fel amcangyfrifwr, gallech ddal ati i hyfforddi a dod yn syrfewyr meintiau.

Gallech hefyd symud ymlaen i rôl uwch fel rheolwr contractau neu reolwr adeiladu.

Neu, gallech sefydlu eich hun fel ymgynghorydd hunan-gyflogedig.