Arolygydd cyfarpar codi

Sut i fod yn arolygydd cyfarpar codi

Gallwch gwblhau cwrs hyfforddiant i ddod yn arolygydd cyfarpar codi. Dan y canllawiau, gall unrhyw berson medrus â phrofiad gynnal archwiliadau, os oes ganddo ef/hi gymhwyster safonol y diwydiant gan Gymdeithas y Peirianwyr Cyfarpar Codi (LEEA).

Er bod angen cymwysterau penodol ar gyfer y rôl hon, mae gan lawer o gyflogwyr fwy o ddiddordeb mewn pobl sy’n frwdfrydig, sy’n barod i ddysgu ac sy’n gallu dilyn cyfarwyddiadau.

Efallai y bydd angen cerdyn Cynllun Ardystio Sgiliau Adeiladu (CSCS) arnoch i weithio ar safle adeiladu. 

Coleg/darparwyr hyfforddiant

I fod yn arolygydd cyfarpar codi, bydd angen i chi ennill cymhwyster safonol y diwydiant gan ddarparwr hyfforddiant arbenigol. Mae Cymdeithas y Peirianwyr Cyfarpar Codi (LEEA) yn gyfrifol am hyfforddi peirianwyr cyfarpar codi newydd, yn ogystal â gosod safonau a darparu gwybodaeth am iechyd a diogelwch. Mae’n cynnig cymwysterau, sy’n amrywio o Dystysgrif Mynediad Rhan 1, y cwrs hyfforddi lefel sylfaenol, i'r Diploma Archwilio Craen Symudol (dyfarniad mwy arbenigol i'r rhai sy'n archwilio craeniau telesgopig symudol).

> Eglurhad o'r gofynion mynediad cyfatebol

> Dod o hyd i gwrs yn eich ardal chi

> Cyngor am gyllid

Gwaith

Os oes gennych rywfaint o brofiad sylfaenol, gallech wneud cais yn uniongyrchol i gwmni sy'n cyflenwi neu'n cynnal cyfarpar codi i gael profiad fel arolygydd cyfarpar codi. Gallech chi ddechrau arni fel cynorthwyydd i arolygydd cyfarpar codi mwy profiadol a symud ymlaen wrth i’ch galluoedd wella.

Profiad gwaith

Mae profiad gwaith yn hanfodol er mwyn cael gwaith yn y diwydiant adeiladu. Gallech chi gael hyn yn yr ysgol, neu drwy weithio ar benwythnosau ac yn ystod y gwyliau gyda chwmni neu berthynas sy’n gweithio fel arolygydd cyfarpar codi. Bydd darpar gyflogwyr bob amser yn falch o’ch gweld yn rhestru profiad gwaith ar eich CV.

> Dysgwch fwy am brofiad gwaith

Sgiliau

Dyma rai o’r sgiliau ychwanegol a allai fod o fudd i unrhyw un sy’n ystyried swydd fel arolygydd cyfarpar codi: 

• Sylw da i fanylion
• Gwybodaeth am gyfarpar codi
• Gallu canfod problemau a chynnig atebion
• Gwybodaeth ragorol am ofynion iechyd a diogelwch
• Brwdfrydedd dros beiriannau ac agweddau technegol y maes adeiladu
• Gallu dysgu am systemau technegol yn gyflym
• Sgiliau trefnu o safon uchel ac ymrwymiad i’ch gwaith
• Dealltwriaeth fanwl o beirianneg gyffredinol.

Beth mae arolygydd cyfarpar codi yn ei wneud?

• Ategolion codi cyffredinol, gan gynnwys slingiau cadwyn, slingiau gwe a slingiau rhaffau gwifren
• Cyfarpar codi a thrin pwrpasol
• Cyfarpar codi sy’n cael ei weithio â llaw, fel teclynnau codi cadwyni, rhaffau gwifren, peiriannau codi a thynnu, a throliau trawstiau
• Cyfarpar codi pŵer (gan gynnwys systemau trydanol, niwmatig a hydrolig, winshis pŵer, ac ati, ond heb fod yn gyfyngedig i hynny)
• Trawstiau rhedfa a strwythurau craeniau ysgafn
• Craeniau teithio trydan uwchben
• Unedau cludo nwyddau ar y môr
• Archwilio craeniau symudol
• Ymgymryd â gwaith archwilio a phrofi yn unol â manylebau’r diwydiant, boed hynny ar safleoedd neu mewn gweithdai
• Cwblhau’r gwaith papur angenrheidiol yn unol â gweithdrefnau penodol a manylebau’r diwydiant
• Cynorthwyo â gwaith trwsio a gwasanaethu cyfarpar codi lle bo angen
• Cadw at reoliadau sy’n ymwneud ag iechyd a diogelwch, ansawdd a diogelu’r amgylchedd
• Teithio rhwng gwahanol safleoedd a gweithdai i weithio ar ddarnau cyffredin o gyfarpar adeiladu
• Gweithio mewn amgylchedd swyddfa prysur gan gwblhau gwaith gweinyddol
• Gwybodaeth ragorol am ofynion iechyd a diogelwch
• Brwdfrydedd dros beiriannau ac agweddau technegol y diwydiant
• Gallu dysgu systemau newydd yn gyflym a allai fod yn dechnegol iawn
• Sgiliau trefnu o safon uchel ac ymrwymiad i’ch gwaith
• Gwybodaeth dda am dechnegau archwilio a phrofi mewn perthynas â gwahanol fathau o gyfarpar codi
• Dealltwriaeth fanwl o beirianneg gyffredinol
• Profiad o ymgymryd â datganiadau dull ac asesiadau risg
• Sgiliau trefnu personol rhagorol
• Sylw i fanylion a chywirdeb wrth gwblhau gwaith papur arolygu ac archwilio
• Gweithio rhwng 35 a 40 awr yr wythnos. Efallai y bydd adegau pan fydd angen i chi weithio oriau hirach, os bydd angen i chi wneud goramser neu wneud gwaith llanw ar gyfer aelodau eraill o staff

Faint o gyflog allech chi ei gael fel arolygydd cyfarpar codi?

Mae’r cyflog disgwyliedig i arolygydd cyfarpar codi yn amrywio wrth i chi gael mwy o brofiad.

• Gall arolygwyr cyfarpar codi sydd newydd gael eu hyfforddi ennill £20,000 - £30,000
• Gall arolygwyr cyfarpar codi gyda pheth brofiad ennill £30,000 - £35,000*
• Arolygwyr cyfarpar codi hunangyflogedig sy’n gosod eu cyfraddau cyflog eu hunain.

Mae’r oriau a’r cyflog yn dibynnu ar y lleoliad, y cyflogwr ac unrhyw oramser y byddwch yn ei wneud

* Mae cyflogau wedi’u casglu o sawl ffynhonnell o’r diwydiant ac wedi’u diweddaru ers 2019

Edrychwch ar y swyddi diweddaraf ar gyfer arolygwyr cyfarpar codi: 

• Indeed

Gan mai gwefannau allanol yw'r rhain, efallai y bydd nifer y swyddi gwag sy'n berthnasol i'r rôl o'ch dewis yn amrywio. Bydd cyfleoedd newydd yn cael eu cyhoeddi wrth iddynt godi.

Llwybr gyrfa a chamu ymlaen

Fel arolygydd cyfarpar codi, gallech symud i rolau cysylltiedig, fel cynghorydd SHEQ (diogelwch, iechyd, amgylchedd ac ansawdd) wrth i’ch sgiliau a’ch profiad wella.