Prentisiaethau yn Lloegr
Gwneud cais i wneud prentisiaeth yn Lloegr
Mae cydlynwyr technegol yn ymdrin ag agweddau technegol ar brosiect. Yn dibynnu ar ba faes adeiladu maent yn gweithio ynddo, gallen nhw ddelio ag ymholiadau, helpu i lunio a dehongli diagramau technegol, cynlluniau a gwaith papur, paratoi amserlenni danfon, ac ymdrin â’r gwaith o weinyddu prosiectau.
£25000
-£45000
38-40
Mae sawl ffordd o ddod yn gydlynydd technegol. Gallech chi ddilyn cwrs prifysgol neu goleg, prentisiaeth neu hyfforddiant yn y gwaith.
Dylech ymchwilio i’r llwybrau hyn i fod yn gydlynydd technegol i weld pa un yw’r un iawn i chi. Er bod rhai gofynion penodol o ran cymwysterau ar gyfer rhai o’r opsiynau hyn, mae gan lawer o gyflogwyr ddiddordeb mewn pobl sy’n frwdfrydig, sy’n barod i ddysgu ac sy’n gallu dilyn cyfarwyddiadau.
Gallech gwblhau gradd mewn pwnc perthnasol i’ch helpu i fod yn gydlynydd technegol, megis:
Bydd angen 2 - 3 lefel A neu gymhwyster cyfatebol arnoch i astudio gradd.
> Eglurhad o'r gofynion mynediad cyfatebol
Os ydych chi’n astudio adeiladu neu grefft gysylltiedig yn y coleg, gallech fynd ymlaen i wneud cais am rôl fel cydlynydd technegol. Efallai y bydd angen i chi gael profiad ar safle neu ennill rhagor o gymwysterau yn y gwaith i’ch helpu i baratoi ar gyfer y rôl hon.
> Eglurhad o'r gofynion mynediad cyfatebol
> Dod o hyd i gwrs yn eich ardal chi
Gallech chi ddechrau eich gyrfa fel prentis yn y rhan fwyaf o grefftau adeiladu ac wedyn gwneud cais am swydd fel cydlynydd technegol. Neu, gallech wneud cais am brentisiaeth uwch ym maes rheoli adeiladu a chael profiad fel cydlynydd technegol i’ch helpu i symud ymlaen yn eich gyrfa.
Ar gyfer hyn, bydd angen i chi gael 4 - 5 TGAU ar raddau 9 i 4 (A* i C) a lefelau A (neu gymhwyster cyfatebol).
Mae prentisiaethau ar gael i unrhyw un dros 16 oed. Fel prentis, bydd eich cwmni’n eich cyflogi’n llawn, a bydd disgwyl i chi weithio o leiaf 30 awr yr wythnos. Byddwch yn rhannu eich amser rhwng profiad yn y gwaith a’r coleg neu’r darparwr hyfforddiant.
> Dod o hyd i brentisiaeth yn eich ardal chi
Os oes gennych chi rywfaint o brofiad blaenorol ym maes adeiladu, gallech chi wneud cais yn uniongyrchol i gyflogwr i gael profiad fel cydlynydd technegol. Gallech chi ddechrau arni fel cynorthwyydd i gydlynydd technegol mwy profiadol a symud ymlaen wrth i’ch galluoedd wella, ac ar ôl i chi gwblhau rhagor o hyfforddiant.
Mae profiad gwaith yn hanfodol er mwyn cael gwaith yn y diwydiant. Gallech chi gael hyn yn yr ysgol, neu drwy weithio ar benwythnosau ac yn ystod y gwyliau gyda chwmni neu berthynas sy’n gweithio fel cydlynydd technegol. Bydd darpar gyflogwyr bob amser yn falch o’ch gweld yn rhestru profiad gwaith ar eich CV.
> Dysgwch fwy am brofiad gwaith
Dyma rai o’r sgiliau ychwanegol a allai fod o fudd i unrhyw un sy’n ystyried swydd fel cydlynydd technegol:
Fel cydlynydd technegol, byddwch yn cefnogi prosiectau adeiladu o safbwynt technegol. O ddydd i ddydd, gallech fod yn llunio ac yn dehongli cynlluniau, diagramau ac amserlenni, yn cydlynu gwaith papur ac yn ymdrin ag ymholiadau.
Mae swydd cydlynydd technegol yn cynnwys y dyletswyddau canlynol:
Mae’r cyflog disgwyliedig i gydlynydd technegol yn amrywio wrth i chi gael mwy o brofiad.
Mae’r oriau a’r cyflog yn dibynnu ar y lleoliad, y cyflogwr ac unrhyw oramser y byddwch yn ei wneud.
* Mae cyflogau wedi’u casglu o sawl ffynhonnell o’r diwydiant
Edrychwch ar y swyddi gwag diweddaraf ar gyfer cydlynwyr technegol:
Gan mai gwefannau allanol yw'r rhain, efallai y bydd nifer y swyddi gwag sy'n berthnasol i'r rôl o'ch dewis yn amrywio. Bydd cyfleoedd newydd yn cael eu cyhoeddi wrth iddynt godi.
Fel cydlynydd technegol, gallech symud ymlaen i swydd uwch fel rheolwr prosiect neu gyfarwyddwr.