Fforman gorffen

Sut i fod yn fforman gorffen

Mae sawl ffordd o ddod yn fforman gorffen. Gallech gwblhau cwrs prifysgol neu goleg, prentisiaeth, neu wneud cais am waith yn uniongyrchol i gyflogwr. 

Dylech ymchwilio i’r llwybrau hyn i fod yn fforman gorffen i weld pa un yw’r un iawn i chi. Er bod rhai gofynion penodol o ran cymwysterau ar gyfer rhai o’r opsiynau hyn, mae gan lawer o gyflogwyr fwy o ddiddordeb mewn pobl sy’n frwdfrydig, sy’n barod i ddysgu ac sy’n gallu dilyn cyfarwyddiadau. 

Prifysgol

I’ch helpu i ddod yn fforman gorffen, gallech gwblhau Diploma Cenedlaethol Uwch (HND), gradd sylfaen neu radd israddedig sydd wedi’i hachredu gan y Sefydliad Siartredig Adeiladu (CIOB).

Darganfyddwch beth yw'r gofynion mynediad lle rydych chi'n byw.

• Eglurhad o’r gofynion mynediad cyfatebol 
• Dod o hyd i gwrs prifysgol 
• Cyngor am gyllid 

Coleg/darparwyr hyfforddiant

I’ch helpu ar eich taith i fod yn fforman gorffen, gallech gwblhau cwrs.

Darganfyddwch beth yw'r gofynion mynediad lle rydych chi'n byw.

• Eglurhad o’r gofynion mynediad cyfatebol 
• Dod o hyd i gwrs yn eich ardal chi 
• Cyngor am gyllid 

Prentisiaeth

Gallech chi ddechrau eich gyrfa fel prentis yn y rhan fwyaf o grefftau adeiladu ac wedyn chamu ymlaen i fod yn fforman gorffen. Neu, gallech chi wneud cais am brentisiaeth uwch ym maes rheoli adeiladu. 

Mae prentisiaethau ar gael i unrhyw un dros 16 oed. Fel prentis, bydd eich cwmni’n eich cyflogi’n llawn, a bydd disgwyl i chi weithio o leiaf 30 awr yr wythnos. Byddwch yn rhannu eich amser rhwng profiad yn y gwaith a’r coleg neu’r darparwr hyfforddiant. 

Darganfyddwch beth yw'r gofynion mynediad lle rydych chi'n byw.

• Canllawiau i brentisiaethau 

Gwaith

Os ydych chi’n dirfesurydd profiadol, yn oruchwyliwr safle, yn beiriannydd neu’n dechnegydd adeiladu, efallai y gallwch wneud cais yn uniongyrchol am rôl fforman gorffen a chael yr hyfforddiant pellach sydd ei angen yn y swydd.

Profiad gwaith

Mae profiad gwaith yn hanfodol er mwyn cael gwaith yn y diwydiant. Gallech chi gael hyn yn yr ysgol, neu drwy weithio ar benwythnosau ac yn ystod y gwyliau gyda chwmni neu berthynas sy’n gweithio fel fforman gorffen. Bydd darpar gyflogwyr bob amser yn falch o’ch gweld yn rhestru profiad gwaith ar eich CV. 

• Dysgwch fwy am brofiad gwaith 

Sgiliau  

Dyma rai o’r sgiliau ychwanegol a allai fod o fudd i unrhyw un sy’n ystyried swydd fel fforman gorffen:  

• Dealltwriaeth o adeiladu 
• Sgiliau cyfathrebu da 
• Sylw ardderchog i fanylion 
• Dealltwriaeth o iechyd a diogelwch ar y safle 
• Sgiliau rheoli amser 
• Gallu i arwain 
• Meddwl yn feirniadol a datrys problemau. 

Cymwysterau

Beth mae fforman gorffen yn ei wneud?

Fel fforman gorffen, byddwch yn gyfrifol am oruchwylio prosiectau adeiladu a sicrhau bod y gwaith gorffenedig yn bodloni’r safonau a’r manylebau y cytunwyd arnynt ymlaen llaw gyda chleientiaid. 

Mae swydd fforman gorffen yn cynnwys y dyletswyddau canlynol:  

• Cysylltu â chydweithwyr a chleientiaid 
• Goruchwylio amserlenni prosiectau a sicrhau bod gwaith yn cael ei gwblhau mewn pryd 
• Monitro cyllidebau er mwyn osgoi gorwario 
• Goruchwylio gweithwyr adeiladu ac isgontractwyr 
• Adrodd i uwch reolwyr a rhanddeiliaid ar gynnydd prosiect 
• Cynnal archwiliadau ansawdd a diogelwch 
• Sicrhau bod y gwaith yn cael ei orffen yn unol â’r safonau y cytunwyd arnynt 
• Cynnal gwiriadau rheoli ansawdd 
• Cydlynu timau 
• Datrys problemau o ddydd i ddydd a delio ag unrhyw faterion sy’n codi 
• Cymeradwyo a throsglwyddo gwaith wedi’i gwblhau i’r cleient. 

Faint o gyflog allech chi ei gael fel fforman gorffen?

Mae’r cyflog disgwyliedig i fforman gorffen yn amrywio wrth i chi gael mwy o brofiad. 

• Gall fforman gorffen sydd newydd ei hyfforddi ennill oddeutu £25,000 
• Gall fforman gorffen profiadol ennill hyd at £60,000* 
• Fel fforman gorffen hunangyflogedig, byddech yn gosod eich cyfraddau eich hun. 

Mae’r oriau a’r cyflog yn dibynnu ar y lleoliad, y cyflogwr ac unrhyw oramser y byddwch yn ei wneud. 

* Mae cyflogau wedi’u casglu o sawl ffynhonnell o’r diwydiant

Edrychwch ar y swyddi gwag diweddaraf ar gyfer fforman gorffen:  

• Indeed 

Gan mai gwefannau allanol yw'r rhain, bydd nifer y swyddi gwag sy'n berthnasol i'r rôl o'ch dewis yn amrywio. Bydd swyddi newydd yn cael eu cyhoeddi wrth iddynt godi.

Llwybr gyrfa a chamu ymlaen

Fel fforman gorffen, gallech chi symud ymlaen i fod yn rheolwr sicrhau ansawdd, rheolwr safle, neu reolwr neu gyfarwyddwr adeiladu. Yn dibynnu ar eich gallu, gallech hefyd fynd yn eich blaen i faes arolygu, peirianneg neu amcangyfrif. 

Neu, gallech sefydlu eich hun fel ymgynghorydd hunangyflogedig.