Gyrrwr wagen fforch godi

Sut i fod yn yrrwr wagen fforch godi

Mae sawl ffordd o ddod yn yrrwr wagen fforch godi. Gallech gwblhau cwrs coleg, prentisiaeth, neu wneud cais yn uniongyrchol i gyflogwr.

Dylech ymchwilio i’r llwybrau hyn i weld pa un yw’r un iawn i chi. Er bod gofynion penodol o ran cymwysterau ar gyfer rhai o’r opsiynau hyn, mae gan lawer o gyflogwyr fwy o ddiddordeb mewn pobl sy’n frwdfrydig, sy’n barod i ddysgu ac sy’n gallu dilyn cyfarwyddiadau.

Efallai y bydd angen cerdyn Cynllun Ardystio Sgiliau Adeiladu (CSCS) arnoch i weithio ar safle adeiladu.

Coleg

Gallech chi gwblhau Dyfarniad Lefel 2 neu Dystysgrif mewn Gweithrediadau Wagenni Fforch Godi er mwyn ennill y dystysgrif angenrheidiol i fod yn yrrwr wagen fforch godi.

Bydd angen i chi gael 2 TGAU neu fwy ar raddau 9 i 3 (A* i C), neu gymhwyster cyfatebol.

• Eglurhad o’r gofynion mynediad cyfatebol
• Dod o hyd i gwrs yn eich ardal chi
• Cyngor am gyllid

Prentisiaeth

Mae prentisiaeth gyda chyflenwr adeiladu, cwmni warws neu weithgynhyrchu yn ffordd dda i ymuno â’r diwydiant.

Gallech chi gwblhau prentisiaeth ganolradd mewn gweithrediadau warws cadwyn gyflenwi i fod yn yrrwr wagen fforch godi.

Bydd angen i chi gael 2 - 3 TGAU ar raddau 9 i 3 (A* i C), neu gymhwyster cyfatebol.

Mae prentisiaethau ar gael i unrhyw un dros 16 oed. Fel prentis, bydd eich cwmni’n eich cyflogi’n llawn, a bydd disgwyl i chi weithio o leiaf 30 awr yr wythnos. Byddwch yn rhannu eich amser rhwng profiad yn y gwaith a’r coleg neu’r darparwr hyfforddiant.

• Canllawiau i brentisiaethau

Gwaith

Os oes gennych rywfaint o brofiad sylfaenol, gallech wneud cais yn uniongyrchol i gwmni cyflenwi adeiladu neu gwmni gweithgynhyrchu oddi ar y safle i gael profiad fel gyrrwr wagen fforch godi. Mae llawer o gwmnïau'n cynnig hyfforddiant, felly efallai na fydd angen i chi gael unrhyw gymwysterau blaenorol.

Profiad gwaith

Mae profiad gwaith yn hanfodol er mwyn cael gwaith yn y diwydiant adeiladu. Gallech chi gael hyn yn yr ysgol, neu drwy weithio ar benwythnosau ac yn ystod y gwyliau gyda chwmni neu berthynas sy’n gweithio fel gyrrwr wagen fforch godi. Bydd darpar gyflogwyr bob amser yn falch o’ch gweld yn rhestru profiad gwaith ar eich CV.

• Dysgwch fwy am brofiad gwaith

Sgiliau

Dyma rai o’r sgiliau ychwanegol a allai fod o fudd i unrhyw un sy’n ystyried swydd fel gyrrwr wagen fforch godi: 

• Ymwybyddiaeth ofodol dda
• Sylw i fanylion
• Gallu gweithio’n dda gydag eraill
• Gallu gweithredu a rheoli offer.
• Dealltwriaeth o iechyd a diogelwch.

Beth mae gyrrwr wagen fforch godi yn ei wneud?

Fel gyrrwr wagen fforch godi, byddwch chi’n gyfrifol am gludo nwyddau a phaledi o amgylch warws neu safle adeiladu.

Mae swydd gyrrwr wagen fforch godi yn cynnwys y dyletswyddau canlynol: 

• Llwytho a dadlwytho deunyddiau o amrywiaeth o gerbydau
• Symud deunyddiau wedi’u gosod ar baled o amgylch y safle neu’r cyfleuster storio
• Gwirio bod llwythi’n ddiogel
• Cynnal archwiliadau o offer a gwneud gwaith cynnal a chadw sylfaenol
• Dilyn cyfarwyddiadau ysgrifenedig a chadw cofnodion
• Cadw at ganllawiau iechyd a diogelwch
• Cwblhau tasgau corfforol yn gyflym ac yn gywir.

Faint o gyflog allech chi ei gael fel gyrrwr wagen fforch godi?

Mae’r cyflog disgwyliedig i yrrwr wagen fforch godi yn amrywio wrth i chi gael mwy o brofiad.

• Gall gyrwyr wagenni fforch godi sydd newydd gael eu hyfforddi ennill £17,000 - £22,000
• Gall gyrwyr wagenni fforch godi hyfforddedig gyda pheth brofiad ennill £20,000 - £30,000*
• Gall uwch yrrwr wagen fforch godi ennill mwy na £30,000.*

Mae’r oriau a’r cyflog yn dibynnu ar y lleoliad, y cyflogwr ac unrhyw oramser y byddwch yn ei wneud.

* Mae cyflogau wedi’u casglu o sawl ffynhonnell o’r diwydiant

Edrychwch ar y swyddi gwag diweddaraf ar gyfer gyrwyr wagenni fforch godi: 

• Totaljobs

Gan mai gwefannau allanol yw'r rhain, efallai y bydd nifer y swyddi gwag sy'n berthnasol i'r rôl o'ch dewis yn amrywio. Bydd cyfleoedd newydd yn cael eu cyhoeddi wrth iddynt godi.

Llwybr gyrfa a chamu ymlaen

Fel gyrrwr wagen fforch godi, gallech drosglwyddo eich sgiliau i rôl fel gweithredwr peiriannau, gweithredwr craeniau neu fecanig peiriannau.

Gyda phrofiad, gallech chi symud ymlaen i swydd uwch fel arweinydd tîm neu oruchwyliwr, neu fel reolwr adeiladu.