Pensaer tirlunio

Sut i fod yn bensaer tirlunio

Mae sawl ffordd o ddod yn bensaer tirlunio. Gallech gwblhau cwrs prifysgol neu goleg, neu brentisiaeth.

Dylech ymchwilio i’r llwybrau hyn i weld pa un yw’r un iawn i chi. Er bod gofynion penodol o ran cymwysterau ar gyfer rhai o’r opsiynau hyn, mae gan lawer o gyflogwyr fwy o ddiddordeb mewn pobl sy’n frwdfrydig, sy’n barod i ddysgu ac sy’n gallu dilyn cyfarwyddiadau.

Efallai y bydd angen cerdyn Cynllun Ardystio Sgiliau Adeiladu (CSCS) arnoch i weithio ar safle adeiladu.

Prifysgol

Gallech gwblhau cwrs gradd wedi’i achredu gan y Sefydliad Tirwedd.

Os ydych chi’n dymuno gweithio tuag at statws siartredig, bydd angen i chi fod wedi cyrraedd lefel Meistr ar gwrs ôl-radd sydd wedi’i achredu gan y Sefydliad Tirwedd. Bydd arnoch angen gradd, neu gymhwyster cyfatebol, i wneud astudiaeth ôl-radd.

Os oes gennych ddiddordeb brwd mewn dylunio a’r amgylchedd, a bod gennych eisoes radd mewn pwnc cysylltiedig fel pensaernïaeth, garddwriaeth neu fotaneg, gallech ddilyn cwrs cyfnewid i raddedigion i fod yn bensaer tirlunio. Os nad yw eich gradd wedi'i hachredu, gallech ddilyn cwrs cyfnewid ôl-radd wedi'i achredu gan y Sefydliad Tirwedd. Fel arfer, mae'r cyrsiau hyn yn para rhwng 18 mis a dwy flynedd yn llawn amser, neu am gyfnod hirach os ydynt yn cael eu gwneud ar sail ran-amser.

Darganfyddwch beth yw'r gofynion mynediad lle rydych chi'n byw.

• Eglurhad o'r gofynion mynediad cyfatebol
• Dod o hyd i gwrs prifysgol
• Cyngor am gyllid

Coleg/darparwyr hyfforddiant

I ddechrau ar eich llwybr gyrfa tuag at fod yn bensaer tirlunio, gallech gwblhau Tystysgrif Lefel 3 neu Ddiploma mewn Adeiladu Tirwedd neu Arddwriaeth.

Darganfyddwch beth yw'r gofynion mynediad lle rydych chi'n byw.

• Eglurhad o'r gofynion mynediad cyfatebol
• Dod o hyd i gwrs yn eich ardal chi
• Cyngor am gyllid

Prentisiaeth

Mae prentisiaeth gyda chwmni pensaernïaeth tirwedd yn ffordd dda i ymuno â’r diwydiant.

Mae prentisiaethau ar gael i unrhyw un dros 16 oed. Fel prentis, bydd eich cwmni’n eich cyflogi’n llawn, a bydd disgwyl i chi weithio o leiaf 30 awr yr wythnos. Byddwch yn rhannu eich amser rhwng profiad yn y gwaith a’r coleg neu’r darparwr hyfforddiant.

Darganfyddwch beth yw'r gofynion mynediad lle rydych chi'n byw.

• Canllawiau i brentisiaethau

Profiad gwaith

Mae profiad gwaith yn hanfodol er mwyn cael gwaith yn y diwydiant adeiladu. Gallech chi gael hyn yn yr ysgol, neu drwy weithio ar benwythnosau ac yn ystod y gwyliau gyda chwmni neu berthynas sy’n gweithio fel pensaer tirlunio. Bydd darpar gyflogwyr bob amser yn falch o’ch gweld yn rhestru profiad gwaith ar eich CV.

• Dysgwch fwy am brofiad gwaith
  

Sgiliau

Dyma rai o’r sgiliau ychwanegol a allai fod o fudd i unrhyw un sy’n ystyried swydd fel pensaer tirlunio:

• Sgiliau dylunio
• Gwybodaeth am fathemateg
• Gweithio’n drylwyr a rhoi sylw i fanylion
• Dealltwriaeth o adeiladu
• Sgiliau gwasanaethau cwsmeriaid
• Y gallu i weithio ar eich liwt eich hun
• Y gallu i ganfod ffyrdd newydd o wneud pethau
• Gallu cyflawni tasgau sylfaenol ar gyfrifiadur neu ddyfais yn y llaw

Cymwysterau

Beth mae pensaer tirlunio yn ei wneud?

Fel pensaer tirlunio, byddwch yn gyfrifol am gynhyrchu dyluniadau ar gyfer amrywiaeth o wahanol brosiectau, a sicrhau bod y tir yn cael ei ddefnyddio mewn ffordd ecogyfeillgar. Byddwch yn gweithio’n agos gydag eraill fel penseiri a pheirianwyr i sicrhau bod yr holl ffactorau’n cael eu hystyried.

Mae swydd pensaer tirlunio yn cynnwys y dyletswyddau canlynol:

• Dylunio cynlluniau parciau, gerddi, stadau tai neu ganol dinasoedd
• Gwella'r tir y mae mwyngloddio neu adeiladu traffyrdd yn effeithio arno
• Cyfarfod â chleientiaid i drafod eu dymuniadau, a chyflwyno syniadau iddynt
• Paratoi dyluniadau (gan gynnwys rhai â chymorth cyfrifiadur)
• Rheoli neu adfywio gwahanol fathau o fannau yn yr awyr agored yn y DU neu dramor
• Arolygu safleoedd i ganfod pa blanhigion ac anifeiliaid sydd yno a chael barn trigolion lleol, busnesau a phobl eraill sy’n defnyddio’r safle
• Cydlynu cynlluniau prosiectau gyda gweithwyr proffesiynol eraill fel penseiri, peirianwyr sifil a chynllunwyr trefi
• Ysgrifennu adroddiadau
• Cynnal asesiadau o’r effaith amgylcheddol
• Monitro cynnydd i wneud yn siŵr bod y gwaith tirlunio’n mynd rhagddo’n iawn
• Llunio contractau
• Goruchwylio’r broses dendro ar gyfer contractwyr
• Cynnal asesiadau o’r effaith weledol a thirwedd
• Gwneud yn siŵr bod newidiadau i’r amgylchedd naturiol yn briodol, yn sensitif ac yn gynaliadwy
• Rhoi tystiolaeth arbenigol i ymchwiliadau cyhoeddus neu wrandawiadau eraill ynghylch prosiectau mawr neu ddadleuol
• Wedi’i leoli mewn practis preifat, ond yn gyffredinol yn gweithio mewn swyddfa ac ar safle.

Faint o gyflog allech chi ei gael fel pensaer tirlunio?

Mae’r cyflog disgwyliedig i bensaer tirlunio yn amrywio wrth i chi gael mwy o brofiad.

• Gall penseiri tirlunio sydd newydd gael eu hyfforddi ennill £20,000 - £30,000
• Gall penseiri tirlunio gyda pheth brofiad ennill £30,000 - £40,000
• Gall penseiri tirlunio uwch neu siartredig ennill £40,000 - £100,000.*

Mae’r oriau a’r cyflog yn dibynnu ar y lleoliad, y cyflogwr ac unrhyw oramser y byddwch yn ei wneud.

* Mae cyflogau wedi’u casglu o sawl ffynhonnell o’r diwydiant

Edrychwch ar y swyddi gwag diweddaraf ar gyfer penseiri tirlunio:

• Totaljobs
• Architects Journal
• Horticulture Jobs
• Swyddi'r Sefydliad Tirwedd
• Bd4jobs

Gan mai gwefannau allanol yw'r rhain, efallai y bydd nifer y swyddi gwag sy'n berthnasol i'r rôl o'ch dewis yn amrywio. Bydd cyfleoedd newydd yn cael eu cyhoeddi wrth iddynt godi.

Llwybr gyrfa a chamu ymlaen

Gallech wneud cais am statws siartredig drwy’r Pathway to Chartership (P2C). Bydd hyn yn gwella eich rhagolygon gwaith a gallech ennill cyflog uwch.

Mae rhai penseiri tirlunio yn gweithio fel ymgynghorwyr neu is-gontractwyr hunangyflogedig.