Rheolwr cydymffurfiaeth

Sut i fod yn rheolwr cydymffurfiaeth

Mae sawl ffordd o ddod yn rheolwr cydymffurfiaeth. Gallech gwblhau cwrs prifysgol neu goleg, prentisiaeth neu wneud cais am waith yn uniongyrchol i gyflogwr.

Dylech ymchwilio i’r llwybrau hyn i fod yn rheolwr cydymffurfiaeth i weld pa un yw’r un iawn i chi. Er bod gofynion penodol o ran cymwysterau ar gyfer rhai o’r opsiynau hyn, mae gan lawer o gyflogwyr fwy o ddiddordeb mewn pobl sy’n frwdfrydig, sy’n barod i ddysgu ac sy’n gallu dilyn cyfarwyddiadau.

Efallai y bydd angen cerdyn Cynllun Ardystio Sgiliau Adeiladu (CSCS) arnoch i weithio ar safle adeiladu.

Prifysgol

Gallech gwblhau gradd israddedig mewn pwnc perthnasol, fel iechyd a diogelwch neu weinyddu busnes. 

Bydd angen 2 - 3 lefel A neu gymhwyster cyfatebol arnoch i astudio gradd.

Ar ôl i chi gael eich gradd gyntaf, gallech fynd ymlaen i gwblhau gradd ôl-radd i gael mwy o arbenigedd, neu ymgymryd â chymwysterau proffesiynol pellach a gynigir gan y Gymdeithas Cydymffurfio Rhyngwladol (ICA) sy’n arbenigo yn y gyfraith, cydymffurfiaeth, llywodraethu a risg.  

• Eglurhad o'r gofynion mynediad cyfatebol
• Dod o hyd i gwrs prifysgol
• Cyngor am gyllid

Cynllun hyfforddi graddedigion

Os oes gennych radd gyntaf mewn pwnc cysylltiedig, gallech wneud cais i ymuno â chynllun hyfforddi graddedigion. Efallai y bydd eich cyflogwr yn eich cefnogi i gwblhau cymwysterau uwch neu i gael hyfforddiant pellach gyda'r Gymdeithas Cydymffurfio Rhyngwladol (ICA).

Coleg/darparwyr hyfforddiant

Gallech gwblhau cwrs coleg i’ch helpu i ddechrau ar eich taith i fod yn rheolwr cydymffurfiaeth, fel cwrs cyfrifeg neu gwrs Mynediad i Addysg Uwch.

Bydd angen i chi gael 5 TGAU ar raddau 9 i 4 (A* i C) neu gymhwyster cyfatebol i gofrestru ar gwrs coleg.

• Eglurhad o'r gofynion mynediad cyfatebol
• Dod o hyd i gwrs yn eich ardal chi
• Cyngor am gyllid

Prentisiaeth

Gallech gwblhau prentisiaeth i’ch helpu ar eich llwybr gyrfa i ddod yn rheolwr cydymffurfiaeth.

Gallech gofrestru ar brentisiaeth cyfrifyddu neu seiliedig ar y gyfraith. Ni fyddai angen i hyn fod gyda chwmni adeiladu o reidrwydd, oherwydd gallech arbenigo ym maes cydymffurfiaeth yn y diwydiant adeiladu ar ôl i chi gymhwyso.

Bydd angen i chi gael hyd at 5 TGAU ar raddau 9 i 4 (A* i C), neu gymhwyster cyfatebol i fod yn brentis.

Mae prentisiaethau ar gael i unrhyw un dros 16 oed. Fel prentis, bydd eich cwmni’n eich cyflogi’n llawn, a bydd disgwyl i chi weithio o leiaf 30 awr yr wythnos. Byddwch yn rhannu eich amser rhwng profiad yn y gwaith a’r coleg neu’r darparwr hyfforddiant.

• Canllawiau i brentisiaethau

Gwaith

Os oes gennych chi rywfaint o brofiad blaenorol neu gymwysterau perthnasol, gallech wneud cais yn uniongyrchol i gwmni adeiladu i ennill profiad fel rheolwr cydymffurfiaeth. Gallech chi ddechrau fel cynorthwyydd a symud ymlaen wrth i’ch galluoedd wella.

Profiad gwaith

Mae profiad gwaith yn hanfodol er mwyn cael gwaith yn y diwydiant adeiladu. Gallech chi gael hyn yn yr ysgol, neu drwy weithio ar benwythnosau ac yn ystod y gwyliau gyda chwmni neu berthynas sy’n gweithio fel rheolwr cydymffurfiaeth. Bydd darpar gyflogwyr bob amser yn falch o’ch gweld yn rhestru profiad gwaith ar eich CV.

• Dysgwch fwy am brofiad gwaith

Sgiliau

Dyma rai o’r sgiliau ychwanegol a allai fod o fudd i unrhyw un sy’n ystyried swydd fel rheolwr cydymffurfiaeth: 

• Dealltwriaeth o safonau cyfreithiol sy’n berthnasol i adeiladu
• Sgiliau cyfathrebu rhagorol
• Sylw i fanylion
• Gallu datrys problemau
• Sgiliau rheoli prosiectau.

Beth mae rheolwr cydymffurfiaeth yn ei wneud?

Fel rheolwr cydymffurfiaeth yn y diwydiant adeiladu, byddwch yn sicrhau bod prosiectau adeiladu yn cydymffurfio â’r ddeddfwriaeth berthnasol. Gall y dyletswyddau gynnwys cynnal archwiliadau safle rheolaidd a chasglu tystiolaeth i brofi cydymffurfiaeth.

Mae rôl rheolwr cydymffurfiaeth yn cynnwys y dyletswyddau canlynol: 

Faint o gyflog allech chi ei gael fel rheolwr cydymffurfiaeth?

Mae’r cyflog disgwyliedig i reolwr cydymffurfiaeth yn amrywio wrth i chi gael mwy o brofiad.

• Gall rheolwyr cydymffurfiaeth sydd newydd gael eu hyfforddi ennill £30,000 - £35,000
• Gall rheolwyr cydymffurfiaeth hyfforddedig gyda pheth brofiad ennill £35,000 - £55,000
• Gall uwch reolwyr cydymffurfiaeth ennill £55,000 - £70,000*

Mae’r oriau a’r cyflog yn dibynnu ar y lleoliad, y cyflogwr ac unrhyw oramser y byddwch yn ei wneud.

* Mae cyflogau wedi’u casglu o sawl ffynhonnell o’r diwydiant

Edrychwch ar y swyddi gwag diweddaraf ar gyfer rheolwyr cydymffurfiaeth:  

Llwybr gyrfa a chamu ymlaen

Fel rheolwr cydymffurfiaeth, gallech symud ymlaen i rôl ymgynghoriaeth.