Rigiwr Rhwydi Diogelwch

Scott Campbell - Rigiwr Arbenigol FASET

Beth mae eich rôl yn ei gynnwys?

Mae fy rôl yn cynnwys pob agwedd ar osod rhwydi, yn cynnwys cynllunio pob prosiect a chydymffurfio â'r holl reoliadau iechyd a diogelwch wrth weithio ar uchder.

Beth rydych yn ei fwynhau am eich swydd?

Yr ymddiriedaeth sydd gan fy nghyflogwyr yn fy ngallu i gynllunio prosiect. Rwy'n mwynhau yn arbennig nodi'r ffordd fwyaf effeithiol o gwblhau prosiectau anodd. Rwyf hefyd yn mwynhau natur amrywiol y gwaith, gan fod pob prosiect yn wahanol.

Sut beth yw eich diwrnod gwaith arferol?

Mae fy niwrnod yn llawn cynnwrf, yn brysur ac weithiau'n llawn straen. Mae'n cynnwys dechrau'n gynnar yn y bore, naill ai ar y safle neu yn y depo, i gasglu neu ddosbarthu rhwydi. Weithiau, efallai y bydd angen i mi ddechrau'n arbennig o gynnar yn y bore os bydd prosiect yn golygu teithio'n bellach i ffwrdd. Mae rhai prosiectau llai yn golygu llai na diwrnod o waith, ac yn yr achosion hyn, rwy'n tueddu i fynd yn ôl i'r depo ar ddiwedd y dydd i ail-lwytho ar gyfer y diwrnod canlynol. I'r gwrthwyneb, mae rhai prosiectau yn hir a gall fod angen pedwar diwrnod neu fwy ar safle.

Pa sgiliau sydd eu hangen arnoch ar gyfer eich swydd?

Mae sgiliau cyfathrebu da yn hanfodol, gan fod y rôl yn cynnwys trafod â rheolwyr toeau safleoedd a rheolwyr prosiect. Mae'n bwysig gallu trin a symud llwyfannau symudol ar gyfer gweithio ar uchder yn briodol, oherwydd weithiau gall fod cyfyngiadau o ran lle. Mae cydsymud da rhwng y llaw a'r llygad hefyd yn allweddol.

Beth oedd eich cefndir cyn dechrau yn y rôl hon?

Bûm yn gweithio yn Ravenscraig am bum mlynedd, gan dreulio blwyddyn yn astudio mewn coleg ac yna bûm yn gweithio i Motorola am dair blynedd. Rwyf bellach wedi bod yn gweithio fel rigiwr rhwydi diogelwch ers 16 o flynyddoedd.

Beth rydych yn fwyaf balch ohono yn eich gyrfa?

Y peth rwyf fwyaf balch ohono yw mai fi oedd gweithredwr FASET y flwyddyn yn 2015.

Ble rydych yn gweld eich hun ymhen 10 mlynedd?

Rwy'n hapus wrth fy ngwaith, ond byddwn yn hoffi datblygu elfen rigio fy rôl.

Gair o gyngor i unrhyw un sy'n ystyried gyrfa yn y diwydiant adeiladu?

Gall adeiladu fod yn amgylchedd caled i weithio ynddo ac efallai na fydd yn addas i bawb. Fodd bynnag, caiff gwaith caled ei wobrwyo'n ariannol a byddwch hefyd yn mwynhau'r gydnabyddiaeth eich bod yn dda wrth eich gwaith.