Prentisiaethau yn Lloegr
Gwneud cais i wneud prentisiaeth yn Lloegr
Tiwtor Addysg Bellach
A elwir hefyd yn -
Darlithydd Addysg Bellach, Hyfforddwr Addysg Bellach
Mae tiwtoriaid Addysg Bellach yn dysgu myfyrwyr a phrentisiaid dros 16 oed. Maen nhw’n datblygu dealltwriaeth ymarferol a damcaniaethol myfyrwyr o amrywiaeth eang o gyrsiau ac yn eu hyfforddi ar gyfer gyrfaoedd ym maes adeiladu neu beirianneg.
Cyflog cyfartalog*
£19000
-£50000
Oriau arferol yr wythnos
35-37
Sut i fod yn diwtor Addysg Bellach
Mae sawl ffordd o ddod yn diwtor Addysg Bellach. Gallech chi ddilyn cwrs prifysgol neu goleg, prentisiaeth neu wneud cais am waith yn uniongyrchol i gyflogwr.
Dylech ymchwilio i’r llwybrau hyn i fod yn diwtor Addysg Bellach, i weld pa un yw’r un iawn i chi. Er bod gofynion penodol o ran cymwysterau ar gyfer rhai o’r opsiynau hyn, mae gan lawer o gyflogwyr fwy o ddiddordeb mewn pobl sy’n frwdfrydig, sy’n barod i ddysgu ac sy’n gallu dilyn cyfarwyddiadau.
Efallai y bydd angen cerdyn Cynllun Ardystio Sgiliau Adeiladu (CSCS) arnoch i weithio ar safle adeiladu.
Prifysgol
I addysgu cymwysterau academaidd fel Safon Uwch (neu gymhwyster cyfatebol), efallai y bydd angen gradd arnoch mewn pwnc perthnasol.
Gallwch chi ennill cymwysterau i ddod yn diwtor Addysg Bellach drwy astudio yn y brifysgol. Gallech chi gwblhau Tystysgrif Addysg, neu ddiploma ôl-radd neu Dystysgrif Addysg neu ddysgu gydol oes.
Yn ogystal â chymhwyster addysgu, bydd angen profiad a chymwysterau technegol arnoch i fod yn diwtor ar gwrs sy’n gysylltiedig â gwaith neu gynllun prentisiaeth.
Darganfyddwch beth yw'r gofynion mynediad lle rydych chi'n byw.
Coleg/darparwyr hyfforddiant
I ddod yn diwtor AB ac i addysgu pynciau galwedigaethol sy’n gysylltiedig ag adeiladu, bydd angen i chi fod â phrofiad blaenorol o weithio yn y diwydiant. Ar ôl i chi gael profiad ymarferol, gallech wneud cais i goleg neu ddarparwr hyfforddiant i fod yn diwtor AB. Bydd eich cyflogwr yn gofyn i chi gwblhau Tystysgrif Addysg (neu gymhwyster cyfatebol) ar gyfer y swydd, o fewn cyfnod penodol ar ôl i chi ddechrau addysgu.
Darganfyddwch beth yw'r gofynion mynediad lle rydych chi'n byw.
Prentisiaeth
Gallech chi gwblhau prentisiaeth uwch gyda choleg neu ddarparwr hyfforddiant i fod yn diwtor Addysg Bellach. Bydd angen i chi fod â phrofiad diweddar o weithio yn y diwydiant adeiladu a hyfforddiant neu gymwysterau blaenorol yn y pwnc rydych chi’n bwriadu ei ddysgu.
Mae prentisiaethau ar gael i unrhyw un dros 16 oed. Fel prentis, bydd eich cwmni’n eich cyflogi’n llawn, a bydd disgwyl i chi weithio o leiaf 30 awr yr wythnos. Byddwch yn rhannu eich amser rhwng profiad yn y gwaith a’r coleg neu’r darparwr hyfforddiant.
Darganfyddwch beth yw'r gofynion mynediad lle rydych chi'n byw.
Gwaith
Os oes gennych sawl blwyddyn o brofiad a chymhwyster mewn maes adeiladu, gallech chi wneud cais yn uniongyrchol i gyflogwr, neu gwblhau cymwysterau addysgu yn y gwaith.
Profiad gwaith
Mae profiad gwaith yn hanfodol er mwyn cael gwaith yn y diwydiant adeiladu a mynd ymlaen i fod yn diwtor Addysg Bellach. Gallech chi gael hyn yn yr ysgol, neu drwy weithio ar benwythnosau ac yn ystod y gwyliau gyda chwmni neu berthynas sy’n gweithio yn y diwydiant adeiladu. Bydd darpar gyflogwyr bob amser yn falch o’ch gweld yn rhestru profiad gwaith ar eich CV.
Sgiliau
Dyma rai o’r sgiliau ychwanegol a allai fod o fudd i unrhyw un sy’n ystyried swydd fel tiwtor Addysg Bellach:
- Profiad blaenorol mewn maes adeiladu, h.y. gwaith aseidydd, plymio neu osod trydanol
- Sgiliau cyfathrebu rhagorol ar lafar
- Gwybodaeth am addysgu
- Sensitifrwydd a dealltwriaeth
- Gweithio’n dda gydag eraill.
Cymwysterau
Beth mae tiwtor Addysg Bellach yn ei wneud?
- Maent wedi’u lleoli mewn colegau, canolfannau cymunedol, canolfannau dysgu seiliedig ar waith, y lluoedd arfog neu garchardai.
- Cynllunio a pharatoi gwersi, darlithoedd a seminarau
- Cyflawni tasgau gweinyddol fel monitro ac asesu myfyrwyr.
- Gallan nhw fod yn dysgu cyrsiau amser llawn, rhan-amser (yn ystod y dydd neu gyda’r nos) neu gyrsiau gyda diwrnod astudio.
- Gosod a marcio asesiadau
- Datblygu cyrsiau a deunyddiau addysgu newydd
- Cadw cofnodion a thasgau gweinyddol eraill
- Mynd i gyfarfodydd, cyrsiau datblygiad proffesiynol a gweithdai
- Cyfweld darpar fyfyrwyr
- Bod yn diwtor personol - cefnogi myfyrwyr a’u helpu gyda phroblemau
- Goruchwylio aelodau staff llai profiadol
- Cymryd rhan ymarferol mewn arolygon rheoleiddio ac asesiadau allanol
Sut beth yw bod yn diwtor Addysg Bellach?
Steve Howard
Mae Steve Howard yn uwch hyfforddwr i CITB yn yr Academi Twnelu ac Adeiladu Tanddaearol (TUCA) yn Llundain.
Faint o gyflog allech chi ei gael fel tiwtor Addysg Bellach?
Mae’r cyflog disgwyliedig i diwtor Addysg Bellach, yn amrywio wrth i chi gael mwy o brofiad.
- Gall tiwtoriaid Addysg Bellach sydd newydd gael eu hyfforddi ennill £19,000 - £25,000
- Gall tiwtoriaid Addysg Bellach hyfforddedig gyda pheth brofiad ennill £25,000 - £30,000
- Gall uwch diwtoriaid Addysg Bellach ennill £30,000 - £50,000.*
Mae’r oriau a’r cyflog yn dibynnu ar y lleoliad, y cyflogwr ac unrhyw oramser y byddwch yn ei wneud.
* Mae cyflogau wedi’u casglu o sawl ffynhonnell o’r diwydiant
Dod o hyd i brentisiaeth/swydd
Prentisiaethau
Cyngor a chynlluniau
Swyddi
Edrychwch ar y swyddi gwag diweddaraf ar gyfer tiwtoriaid Addysg Bellach:
Gan mai gwefannau allanol yw'r rhain, efallai y bydd nifer y swyddi gwag sy'n berthnasol i'r rôl o'ch dewis yn amrywio. Bydd cyfleoedd newydd yn cael eu cyhoeddi wrth iddynt godi.
Llwybr gyrfa a chamu ymlaen
Fel tiwtor Addysg Bellach, gallech chi weithio mewn colegau addysg bellach neu golegau chweched dosbarth, canolfannau addysg i oedolion neu ganolfannau hyfforddi annibynnol.
Gyda phrofiad fel hyfforddwr, gallech chi symud ymlaen i rôl fel uwch ddarlithydd, pennaeth adran, neu symud i fod yn uwch reolwr.
Gallech chi fod yn asesydd neu’n arholwr, neu ddatblygu gwerslyfrau ac adnoddau addysgol ar-lein.v
Steve Howard
Mae Steve Howard yn uwch hyfforddwr i CITB yn yr Academi Twnelu ac Adeiladu Tanddaearol (TUCA) yn Llundain.
I ddechrau, bues i’n gweithio yn y diwydiant adeiladu am nifer o flynyddoedd fel gweithredwr peiriannau. Yna, penderfynais ymuno â CITB fel hyfforddwr peiriannau er mwyn i mi allu trosglwyddo fy mhrofiad a’m gwybodaeth i eraill sy’n dechrau arni yn y diwydiant.
Beth ydych chi’n ei hoffi am eich swydd?
Rydw i’n hoffi gallu helpu’r rheini sy’n dechrau arni yn y diwydiant adeiladu a helpu pobl i newid eu bywydau.
Sut beth yw eich diwrnod gwaith?
Rwy’n rhoi cyfarwyddiadau i ymgeiswyr ar beiriannau leinio concrit wedi’i chwistrellu. Mae hyn yn cynnwys pobl sy’n dilyn cyrsiau 5 diwrnod, prentisiaethau 18 mis, cyrsiau pwmp concrit a chyrsiau craeniau nenbont. Gan fy mod bellach mewn swydd uwch, rydw i’n helpu i redeg yr Academi Twnelu ac Adeiladu Tanddaearol (TUCA).
Pa sgiliau ydych chi wedi’u datblygu ers i chi ddechrau?
Pan ddechreuais i, doedd gen i ddim cymwysterau, ond nawr mae gen i sawl NVQ a chymwysterau eraill i helpu i gefnogi fy mhroffesiwn fel hyfforddwr.
Unrhyw gyngor i rywun sy'n ystyried dilyn gyrfa yn y diwydiant adeiladu?
Mae’n ddiwydiant da i fod ynddo ac mae digon o lwybrau i’w dilyn i ddod o hyd i’r yrfa iawn i chi. Byddwn yn annog pobl i ystyried adeiladu fel dewis gyrfa.
Mae Matthew Willars yn Rheolwr Cwrs Gosod Brics gyda Choleg Bedford
Beth ydych chi’n ei wneud?
Rwy’n dysgu gosod brics yn llawn amser yn ogystal â rheoli’r cyrsiau gosod brics yn gyffredinol. Mae’r swydd hon yn un ‘ymarferol’ ac yn swydd rheoli. Mae’n golygu gweithio gyda’r corff dyfarnu cymwysterau, er enghraifft. Rydw i hefyd yn gweithio’n uniongyrchol gyda’r myfyrwyr, gan eu helpu gyda phroblemau o ddydd i ddydd a rheoli eu disgwyliadau.
Sut wnaethoch chi ddechrau arni?
Dechreuais weithio gyda phrentisiaeth fel briciwr. Wedyn, gweithiais yn y diwydiant adeiladu am 20 mlynedd, yn Ewrop yn ogystal â Llundain ac yn fwy lleol. Roeddwn i hefyd yn rhedeg fy musnes fy hun. Symudais wedyn i fod yn ddarlithiwr coleg. Rwyf wedi gweithio yng Ngholeg Bedford ers pedair blynedd. Cyn hynny, roeddwn yn diwtor gosod brics mewn coleg arall. Symudais yma i gamu ymlaen a datblygu fy ngyrfa. Rhoddodd fy rôl fel rheolwr cwrs gosod brics y cyfle i mi gyfuno addysgu â rôl reoli.
Beth ydych chi’n ei hoffi am eich swydd?
Rwy’n frwd dros y grefft o osod brics felly mae’n fraint go iawn i allu hyfforddi myfyrwyr i safonau’r diwydiant. Rydw i hefyd yn hoffi bod mewn sefyllfa lle rydw i’n gosod esiampl i’r myfyrwyr gan mai nhw yw dyfodol y diwydiant adeiladu. Mae agwedd addysgu fy rôl yn syml ond mae’n rhaid i chi fod ar flaenau eich traed bob amser er mwyn delio’n effeithiol â phroblemau myfyrwyr.
Pa sgiliau sydd eu hangen arnoch?
Mae angen i chi gael crefft arbenigol, gwaith brics yn fy achos i, a phrofiad uniongyrchol yn y diwydiant adeiladu. Mae cymwysterau asesu, dilysu ac addysgu hefyd yn bwysig. Mae angen sgiliau cyfathrebu a gwrando cadarn er mwyn gweithio’n effeithiol gyda myfyrwyr a chydweithwyr.
Uchafbwyntiau eich gyrfa?
Fel darlithydd, mae’n werth chweil gweld myfyrwyr yn datblygu ac yn tyfu o ganlyniad i’ch addysgu, a’u bod nhw’n cydnabod bod eich profiad yn eu helpu gyda’u gyrfa. Fel briciwr, rydw i’n arbennig o falch o’r gwaith dylunio ac adeiladu a wnes i ar gyfer rhagwedd technegol anodd. Cafodd y gwaith ei werthfawrogi ac arweiniodd at ragor o waith.
Ble fydd eich gyrfa’n myn â chi nesaf?
Rydw i’n bwriadu astudio ar gyfer gradd meistr mewn cadwraeth ac rydw i eisiau datblygu fy sgiliau mewn gwaith brics treftadaeth.
Oes gennych gyngor am ymuno â’r diwydiant adeiladu?
Mae’r diwydiant adeiladu yn amrywiol ac yn rhoi llawer o foddhad. Gall fod yn anodd yn gorfforol a bod yn her feddyliol, ond mae pob diwrnod yn wahanol. Gall y tâl fod yn dda hefyd ar ôl hyfforddiant ac mae llawer o gyfleoedd i gynyddu eich cyflog wrth i’ch gyrfa ddatblygu.