Uwch beiriannydd deunyddiau

Sut i fod yn uwch beiriannydd deunyddiau

Gan fod hon yn rôl uwch, mae’n debygol y bydd angen Gradd BSc Anrhydedd, Diploma hyd at safon uwch, NVQ/HNC Lefel 6 neu gymhwyster cyfatebol yn yr Alban mewn maes peirianneg – mewn peirianneg deunyddiau yn benodol os oes modd. Ar gyfer rhai swyddi, efallai y bydd angen Gradd Meistr mewn peirianneg hefyd, neu statws aelodaeth gyda chorff peirianneg perthnasol.

Fodd bynnag, mae profiad yn aml yn bwysig iawn hefyd, felly gellid ystyried ymgeiswyr sydd â chymwysterau eraill, neu o leiaf 10 mlynedd o brofiad gwaith.

Beth mae uwch beiriannydd deunyddiau yn ei wneud?

• Gweithio gyda nifer o wahanol ddeunyddiau, gan gynnwys cynnyrch adeiladu a deunyddiau crai, cemegau, gwydr neu bolymerau
• Dewis y cyfuniad gorau o ddeunyddiau ar gyfer tasg
• Optimeiddio arferion gweithio
• Profi deunyddiau
• Dadansoddi data
• Dylunio prototeipiau
• Chwilio am atebion ecogyfeillgar
• Monitro ansawdd
• Gwirio cydymffurfiad â gofynion cyfreithiol
• Datblygu dogfennau busnes technegol
• Datblygu a darparu hyfforddiant technegol
• Archwilio profion neu gyfleusterau cadwyn gyflenwi 
• Rheoli tîm datblygu
• Cyfleu cysyniadau newydd i’r tîm dylunio
• Datblygu dealltwriaeth o fanylebau a gofynion cleientiaid er mwyn gallu ymchwilio, dylunio a datblygu deunyddiau ac arferion gweithio i sicrhau cydymffurfiad â manylebau
• Datblygu technolegau neu gynhyrchion newydd sy’n caniatáu busnes i leihau costau a gwneud y defnydd gorau o adnoddau
• Deall priodweddau a manteision gwahanol ddeunyddiau, gan olygu y gallwch gyflwyno dyluniadau arloesol sy’n gallu lleihau costau a chynyddu effeithlonrwydd
• Deall y broses ddylunio o’r cysyniad cychwynnol i’r cynhyrchiad terfynol
• Monitro ac arwain mewnbwn peirianwyr eraill ar brosiect
• Gweithio tua 50 awr yr wythnos, rhwng 8am a 6pm fel arfer
• Fodd bynnag, efallai y bydd rhywfaint o waith shifft neu weithio oddi cartref, yn dibynnu ar anghenion y sefydliad

Cyflog

• Gall Uwch Beirianwyr Deunyddiau sydd newydd gael ei hyfforddi ennill oddeutu £20,000 - £30,000
• Gall Uwch Beirianwyr Deunyddiau sydd wedi’u hyfforddi a sydd â rhywfaint o brofiad ennill oddeutu £30,000 - £40,000
• Gall Peirianwyr Deunyddiau Uwch neu Siartredig ennill oddeutu £40,000 - £65,000

Mae cyflogau fel arfer yn amrywio yn ôl lleoliad a lefel cyfrifoldeb. Mae cyflogau ac opsiynau gyrfa yn gwella drwy gael statws siartredig.

* Mae cyflogau wedi’u casglu o sawl ffynhonnell o’r diwydiant ac wedi’u diweddaru ers 2019

Edrychwch ar y swyddi diweddaraf ar gyfer Uwch Beirianwyr Deunyddiau: 

• Total Jobs

• LinkedIn

Gan mai gwefannau allanol yw'r rhain, efallai y bydd nifer y swyddi gwag sy'n berthnasol i'r rôl o'ch dewis yn amrywio. 

Edrychwch bob dydd i weld cyfleoedd newydd wrth iddynt gael eu postio!