Arbenigwr cynaliadwyedd

Sut i fod yn arbenigwr cynaliadwyedd

Mae sawl ffordd o ddod yn arbenigwr cynaliadwyedd. Gallech gwblhau cwrs prifysgol, prentisiaeth neu wneud cais am waith yn uniongyrchol i gyflogwr.

Dylech ymchwilio i’r llwybrau hyn i fod yn arbenigwr cynaliadwyedd i weld pa un yw’r un iawn i chi. Er bod gofynion penodol o ran cymwysterau ar gyfer rhai o’r opsiynau hyn, mae gan lawer o gyflogwyr fwy o ddiddordeb mewn pobl sy’n frwdfrydig, sy’n barod i ddysgu ac sy’n gallu dilyn cyfarwyddiadau.

Efallai y bydd angen cerdyn Cynllun Ardystio Sgiliau Adeiladu (CSCS) arnoch i weithio ar safle adeiladu.

Prifysgol

I fod yn arbenigwr cynaliadwyedd gallech gwblhau gradd israddedig mewn arolygu, peirianneg neu adeiladu.

Ar gyfer swydd uwch, gallech gwblhau gradd ôl-raddedig mewn pwnc cysylltiedig, neu ennill statws siartredig. Efallai y bydd rhai cwmnïau'n cynnig hyfforddiant ôl-radd.

Bydd angen y canlynol arnoch chi:

• 4-5 TGAU ar raddau 9 i 4 (A* i C) ac o leiaf 2 lefel A, neu gymhwyster cyfatebol (gradd)

Darganfyddwch beth yw'r gofynion mynediad lle rydych chi'n byw.

• Eglurhad o'r gofynion mynediad cyfatebol
• Dod o hyd i gwrs prifysgol
• Cyngor am gyllid

Prentisiaeth

Gallech chi gwblhau prentisiaeth i ddod yn arbenigwr cynaliadwyedd.

Mae prentisiaeth gyda chwmni adeiladu’n ffordd dda i ymuno â’r diwydiant.

Mae prentisiaethau ar gael i unrhyw un dros 16 oed. Fel prentis, bydd eich cwmni’n eich cyflogi’n llawn, a bydd disgwyl i chi weithio o leiaf 30 awr yr wythnos. Byddwch yn rhannu eich amser rhwng profiad yn y gwaith a’r coleg neu’r darparwr hyfforddiant.

Darganfyddwch beth yw'r gofynion mynediad lle rydych chi'n byw.

• Canllaw i brentisiaethau

Gwaith

Os oes gennych chi brofiad o ddefnyddio meddalwedd modelu neu gymwysterau cynaliadwyedd perthnasol, gallech wneud cais yn uniongyrchol i gwmni adeiladu i gael profiad ar safle fel arbenigwr cynaliadwyedd. Gallech chi ddechrau fel cynorthwyydd a symud ymlaen wrth i’ch galluoedd wella.

Profiad gwaith

Mae profiad gwaith yn hanfodol er mwyn cael gwaith yn y diwydiant adeiladu. Gallech chi gael hyn yn yr ysgol, neu drwy weithio ar benwythnosau ac yn ystod y gwyliau gyda chwmni neu berthynas sy’n gweithio fel arbenigwr cynaliadwyedd. Bydd darpar gyflogwyr bob amser yn falch o’ch gweld yn rhestru profiad gwaith ar eich CV.

• Dysgwch fwy am brofiad gwaith

Sgiliau

Dyma rai o’r sgiliau ychwanegol a allai fod o fudd i unrhyw un sy’n ystyried swydd fel arbenigwr cynaliadwyedd:

• Sgiliau cyfathrebu rhagorol
• Dealltwriaeth o brosiectau adeiladu
• Sgiliau pobl da
• Gwybodaeth am ddeddfwriaeth amgylcheddol
• Profiad o reoli prosiectau
• Gallu datrys problemau.

Cymwysterau

Beth mae arbenigwr cynaliadwyedd yn ei wneud?

Fel arbenigwr cynaliadwyedd, byddwch yn dod o hyd i ffyrdd o wella cynaliadwyedd prosiectau adeiladu. Gallai eich asesiadau ystyried y deunyddiau a ddefnyddir mewn prosiect, y llygryddion a gynhyrchir, effaith prosiect ar gymunedau ac ecosystemau lleol, y defnydd o ynni yn y pen draw, a chydymffurfiad â deddfwriaeth amgylcheddol. Gallech fod yn gyfrifol am ddatblygiadau preswyl, prosiectau olew a nwy ar y tir neu ar y môr, neu seilwaith trafnidiaeth neu ddiwydiannol.

Gallai swydd arbenigwr cynaliadwyedd gynnwys y dyletswyddau canlynol:

Faint o gyflog allech chi ei gael fel arbenigwr cynaliadwyedd?

Mae’r cyflog disgwyliedig i arbenigwr cynaliadwyedd yn amrywio wrth i chi gael mwy o brofiad.

• Gall arbenigwyr cynaliadwyedd sydd newydd gael eu hyfforddi ennill £30,000 - £35,000
• Gall arbenigwyr cynaliadwyedd hyfforddedig gyda pheth brofiad ennill £35,000 - £50,000
• Gall arbenigwyr cynaliadwyedd uwch, siartredig neu feistr ennill £50,000 - £60,000*
• Arbenigwyr cynaliadwyedd hunangyflogedig sy’n gosod eu cyfraddau cyflog eu hunain.

Mae’r oriau a’r cyflog yn dibynnu ar y lleoliad, y cyflogwr ac unrhyw oramser y byddwch yn ei wneud.

* Mae cyflogau wedi’u casglu o sawl ffynhonnell o’r diwydiant

Edrychwch ar y swyddi gwag diweddaraf ar gyfer arbenigwyr cynaliadwyedd:

Llwybr gyrfa a chamu ymlaen

Fel arbenigwr cynaliadwyedd, gallech symud ymlaen i rolau cynghori neu reoli prosiectau uwch.

Neu, gallech sefydlu eich hun fel ymgynghorydd hunan-gyflogedig.

Gallwch gynyddu eich rhagolygon gwaith drwy ennill statws siartredig.