Pa brentisiaeth y gallaf ei gwneud ar ôl fy Nghymwysterau Uwch Cenedlaethol yn yr Alban?
Os ydych newydd eistedd neu ar fin eistedd eich Cymwysterau Uwch neu Uchaf (Advanced Highers), efallai eich bod yn pendroni pa opsiynau sydd ar gael i chi. Os ydych yn gadael yr ysgol, gallech wneud prentisiaeth, sy’n eich galluogi i ddysgu crefft â chyflogwr, astudio’n rhan-amser, ennill cyflog ac ennill cymhwyster a gydnabyddir yn genedlaethol. Yma rydym yn esbonio mwy am yr opsiynau prentisiaeth sydd gennych yn yr Alban pan fyddwch yn gadael yr ysgol.
Pa opsiynau prentisiaeth sydd ar gael yn yr Alban?
Mae prentisiaethau yn yr Alban ychydig yn wahanol i’r rhai yn Lloegr, felly os ydych chi’n bwriadu aros yn yr Alban i wneud prentisiaeth ar ôl eich Cymhwyster Uwch neu Uchaf, mae’n werth gwybod beth yw eich opsiynau. Efallai eich bod eisoes wedi gwneud prentisiaeth Sylfaen yn eich 5ed a’ch 6ed blwyddyn yn yr ysgol uwchradd, felly efallai bod gennych syniad o ba fath o yrfa a phrentisiaeth yr hoffech ei ddilyn.
Beth yw Prentisiaeth Fodern yn yr Alban?
Prentisiaeth Fodern yw’r math o brentisiaeth yr ydych yn fwyaf tebygol o’i gwneud fel ymadawr mysgol yn yr Alban. Maent ar gyfer pobl 16 oed a hŷn, ac wedi’u cynllunio i’ch helpu i ennill sgiliau, profiad a chymwysterau yn eich diwydiant dewisol. Mae prentisiaethau modern yn cynnig cyflog ac mae dros 100 o brentisiaethau modern i ddewis ohonynt.
Byddai disgwyl i ymgeiswyr am brentisiaethau modern fod â phasiau gradd Cymwysterau Cenedlaethol 5 ar lefel C neu’n uwch mewn Mathemateg a Saesneg, yn ogystal â phynciau penodol sy’n gysylltiedig â’r swydd. Mae prentisiaethau adeiladu modern yn cynnwys rolau mewn peirianneg sifil, plymio a gwresogi, iechyd a diogelwch a thirfesur adeiladu.
Beth yw Prentisiaeth i Raddedigion yn yr Alban?
Mae Prentisiaethau i Raddedigion yn un cam yn uwch na phrentisiaethau modern. Byddwch yn cyfuno gweithio i gyflogwr ag astudio ar gyfer cymhwyster lefel gradd, a chael cyflog.
Mae mynediad i Brentisiaeth i Raddedigion yn debyg i’r gofynion ar gyfer gradd israddedig, a bydd yn amrywio fesul cwrs a sefydliad. Mae Cymwysterau Uwch fel arfer ymhlith y gofynion mynediad. Bydd angen i chi fod yn byw yn yr Alban er mwyn gwneud cais, a bod gennych yr hawl i fyw a gweithio yn yr Alban hefyd.
Mae cyfleoedd prentisiaeth i raddedigion ar gael mewn ystod eang o ddiwydiannau, gan gynnwys Adeiladu a’r Amgylchedd Adeiledig, Gwyddor Data, Peirianneg, Rheoli Busnes a Seiberddiogelwch.
Pa opsiynau eraill sydd gennyd ar gyfer astudiaeth bellach neu hyffroddiant ar ôl fy Nghymwysterau Uwch?
Gallech ddilyn cwrs mewn coleg addysg bellach neu astudio am radd mewn prifysgol. Fel arfer mae angen pedair Cymhwyster Uwch i gael mynediad at gyrsiau gradd prifysgol, ond bydd lefelau graddau’n amrywio yn dibynnu ar y cwrs a’r brifysgol. Fel arall, gallech ddilyn cwrs hyfforddi, neu wneud hyfforddiant wrth weithio. Os ydych chi’n ansicr o’ch opsiynau, bydd Skills Development Scotland yn gallu helpu.
Sut mae gwneud cais am brentisiaeth yn yr Alban?
Os credwch fod prentisiaeth yn gywir i chi, a’ch bod yn byw yn yr Alban, ewch i wefan Apprenticeships.scot i gael rhagor o fanylion am y lefelau prentisiaeth amrywiol, gofynion mynediad, astudiaethau achos ac i chwilio am gyfleoedd gwag.